Përditësuar për herë të fundit: 31 Tetor 2026
Kjo politikë shpjegon çfarë të dhënash mbledhim përmes StaffLinker, si i përdorim, dhe çfarë kontrolli ke mbi to. Është shkruar për t'u lexuar nga kushdo — pronar biznesi, punonjës, apo klient që thjesht skanon një NFC në pikën ku po shërbehet — pa terminologji të panevojshme.
Parimi që na drejton është i thjeshtë: mbledhim vetëm atë çka na duhet për të bërë platformën të funksionojë siç duhet, dhe e mbajmë vetëm aq kohë sa ka kuptim ta mbajmë.
StaffLinker, i operuar nga Shkodra, Shqipëri, mbledh dhe përpunon të dhënat e përshkruara në këtë politikë si operatori i vetë platformës. Nëse ke pyetje specifike rreth të dhënave të tua, na kontakto në [email protected] ose nëpërmjet mënyrave të përshkruara në fund të kësaj faqeje.
Kur regjistrohesh si pronar (punëdhënës), mbledhim:
| Të dhëna | Përse na duhen |
|---|---|
| Emri dhe mbiemri | Identifikim brenda platformës dhe komunikim. |
| Email-i | Login, verifikim, rikuperim fjalëkalimi, njoftime. |
| Numri i telefonit | Hapja e bisedave WhatsApp me punonjës gjatë procesit të punësimit. |
| Emri, adresa dhe vendndodhja e biznesit | Shfaqja publike e biznesit, dhe verifikimi i vendndodhjes së saktë për vlerësimet e klientëve. |
| Numri i pikave të shërbimit (p.sh. tavolina, banaka, sportele, stacione pune, dhoma) dhe caktimet e stafit te to | Përcaktimi automatik i cilit punonjës i shkon çdo vlerësim, sipas pikës së shërbimit dhe turnit aktual. |
| Testimonial-et që ngarkon (tekst, foto, video) | Shfaqen publikisht te faqja Testimonials, me emrin dhe qytetin e biznesit. Fotot dhe disa kuadro nga videoja kalojnë një kontroll automatik te Google Vision për përmbajtje të papërshtatshme. Metadatat e fotove (si vendndodhja GPS) hiqen para ruajtjes. Konfirmon që ke leje nga personat që shihen në to. |
| Të dhënat e pagesës | Përpunimi i abonimit. Kartën dhe të dhënat e faturimit i jep drejtpërdrejt te Paddle, ne nuk i shohim as nuk i ruajmë. Ne mbajmë vetëm statusin e abonimit dhe historikun e pagesave (data, shuma, plani). |
| Fjalëkalimi | Ruhet i enkriptuar, asnjëherë si tekst i thjeshtë. As stafi ynë s'e sheh atë. |
| Verifikimi me 2 hapa (opsional) | Nëse e aktivizon, ruajmë çelësin sekret që lidh aplikacionin tënd të autentifikimit me llogarinë, dhe kodet rezervë të hash-uara. Shërbejnë vetëm për të mbrojtur hyrjen në llogarinë tënde. |
Numri i telefonit nuk shfaqet kurrë publikisht te profili yt. Përdoret vetëm nga sistemi për të hapur biseda WhatsApp me punonjës me të cilët po komunikon aktivisht.
Gjatë 2 javëve provë falas nuk të kërkojmë kartë krediti dhe nuk mbledhim asnjë të dhënë pagese. Të dhënat e faturimit fillojnë të përpunohen vetëm kur vendos të bësh pagesën e parë.
Kur regjistrohesh si punonjës, mbledhim:
| Të dhëna | Përse na duhen |
|---|---|
| Emri dhe mbiemri | Profili yt publik dhe identifikimi te pronarët. |
| Email-i | Login, verifikim, rikuperim fjalëkalimi. |
| Numri i telefonit | Hapja e bisedave WhatsApp me pronarë gjatë procesit të punësimit. Nuk shfaqet kurrë publikisht. |
| Fotografia e profilit | Njohja jote nga pronarët. Kalon nëpër kontroll automatik për përmbajtje të papërshtatshme para se të publikohet. |
| Historiku i punës brenda platformës | Ndërtimi i një reputacioni të verifikuar që të ndjek në çdo punë. |
| Cilës pikë shërbimi/zonë je caktuar gjatë turnit | Sigurimi që vlerësimet e klientëve të shkojnë saktësisht tek ti kur je caktuar aty, jo te dikush tjetër. |
| Kodi unik i kartës personale NFC | Lidh kartën fizike me profilin tënd, që ti (i kyçur) ose një pronar i kyçur të shihni historikun kur e skanoni. Kur e skanon dikush tjetër, nuk shfaqet asnjë historik. |
| Fjalëkalimi | Ruhet i enkriptuar, asnjëherë si tekst i thjeshtë. |
| Verifikimi me 2 hapa (opsional) | Nëse e aktivizon, ruajmë çelësin sekret që lidh aplikacionin tënd të autentifikimit me llogarinë, dhe kodet rezervë të hash-uara. Shërbejnë vetëm për të mbrojtur hyrjen në llogarinë tënde. |
Statusi "hapur për punë" kontrollohet vetëm nga ti. Kur është aktiv, profili yt bëhet i dukshëm te kërkimet e pronarëve. Kur e fik, mbetesh i dukshëm vetëm me emër dhe fotografi, pa akses te historiku apo mundësia për t'u kontaktuar.
Kur dikush skanon NFC-në e pikës ku po shërbehet (tavolinë, banak, sportel, stacion pune, dhomë apo çdo pikë tjetër) për të lënë vlerësim, nuk i kërkojmë asnjë llogari apo identitet. Vetë NFC-ja identifikon vetëm pikën fizike të shërbimit — jo klientin, dhe as ndonjë punonjës specifik të lidhur përgjithmonë me të. Mbledhim vetëm dy gjëra nga vetë klienti, të dyja të kufizuara në qëllim:
| Të dhëna | Përse na duhen | Sa kohë ruhet |
|---|---|---|
| Vendndodhja | Konfirmimi se klienti është fizikisht pranë biznesit, brenda një rrezeje prej 20 metrash, para se vlerësimi të pranohet. | 90 ditë, pas së cilës fshihet automatikisht. Vetë vlerësimi (yjet) mbetet përgjithmonë, por pa asnjë të dhënë vendndodhjeje të lidhur me të. |
| Një shenjues i pajisjes (cookie) | Parandalimi që i njëjti person të lërë disa vlerësime radhazi për të njëjtin punonjës nga i njëjti browser. | Deri në një vit, ose derisa ta fshish vetë nga cilësimet e browser-it tënd. |
Ky shenjues nuk të identifikon personalisht — nuk lidhet me emrin, email-in, apo ndonjë të dhënë tjetër personale. Shërben ekskluzivisht si një kufizim teknik anti-abuzim.
Nëse lokali përdor NFC-në e vetme të lokalit, vlerësimi për lokalin mblidhet njësoj: me vendndodhjen dhe shenjuesin e pajisjes, me të njëjtat afate ruajtjeje. Nëse lokali ka lidhje me Google Maps, mund të të shfaqet edhe një lidhje për të lënë vlerësim te Google. Ai vlerësim bëhet te Google, sipas politikës së tyre të privatësisë, dhe ne nuk marrim as nuk ruajmë asnjë të dhënë të tij.
Kur një pronar dërgon ftesë pune, ose kur një punonjës aplikon për një pozicion, platforma hap automatikisht një bisedë WhatsApp mes dy palëve, me një mesazh të para-përgatitur. Kjo ndodh vetëm në këtë moment specifik, dhe vetëm nëse pala tjetër e ka dhënë numrin e saj të telefonit.
Ne nuk kemi akses te përmbajtja e bisedave tuaja në WhatsApp pasi kjo bisedë të fillojë — WhatsApp funksionon si aplikacion i pavarur, jashtë kontrollit tonë, dhe rregullohet nga politika e vet e privatësisë.
Përdorim të dhënat që mbledhim për të:
Nuk i përdorim të dhënat e tua për reklama, dhe nuk i shesim ato.
Nuk i shesim të dhënat e tua askujt. I ndajmë të dhëna vetëm në raste të kufizuara:
Kur ndryshon email-in e llogarisë dhe ke abonim me kartë, e përditësojmë edhe te Paddle, që faturat të vijnë te adresa e re.
Të dhënat e llogarisë tënde (emri, email-i, historiku i punës) i ruajmë për sa kohë e mban llogarinë aktive. Nëse e fshin llogarinë, i heqim të dhënat personale, me përjashtim të atyre që na duhet t'i mbajmë për arsye ligjore ose për të mbrojtur integritetin e vlerësimeve që të tjerë kanë marrë apo dhënë.
Vendndodhja e klientëve që lënë vlerësime fshihet automatikisht pas 90 ditësh, siç u shpjegua më sipër.
Nëse e çaktivizon verifikimin me 2 hapa, çelësi sekret dhe kodet rezervë fshihen nga sistemi ynë.
Caktimet e mëparshme të pikave të shërbimit (kush ishte i caktuar te cila pikë, dhe kur) i ruajmë si pjesë e historikut, që çdo vlerësim i vjetër të mbetet gjurmuar saktë te punonjësi që e ka fituar realisht, edhe pasi caktimi i asaj pike të ketë ndryshuar më vonë.
Historikun e pagesave dhe faturave e mbajmë për aq kohë sa kërkohet nga ligji për qëllime kontabiliteti dhe tatimore, edhe pas mbylljes së llogarisë. Të dhënat e kartës nuk i mbajmë ne, ato ruhen nga Paddle sipas rregullave të tij.
Testimonial-et (tekst, foto, video) mbeten publike derisa pronari t'i fshijë ose ne t'i heqim. Kur pronari e fshin një testimonial, skedarët fshihen edhe nga ruajtja te Backblaze B2. Nëse e fshehim ne nga faqja publike, skedarët mbeten të ruajtur por nuk shfaqen. Videot e refuzuara nga kontrolli automatik fshihen menjëherë, dhe kopjet e përkohshme gjatë përpunimit fshihen sapo përfundon.
Fjalëkalimet ruhen të enkriptuara. Fotografitë e profilit kalojnë nëpër kontroll automatik para se të publikohen. Aksesi te të dhënat administrative kufizohet dhe monitorohet. Mund të shtosh një shtresë mbrojtjeje me verifikimin opsional me 2 hapa.
Asnjë sistem nuk është plotësisht i pathyeshëm, dhe bëjmë përpjekje të vazhdueshme për ta mbajtur platformën të sigurt. Nëse zbulon një problem sigurie, na kontakto menjëherë.
Ke të drejtë të:
Për të ushtruar këto të drejta, na kontakto nëpërmjet mënyrave të përshkruara më poshtë.
StaffLinker nuk është menduar për persona nën moshën ligjore të punësimit. Nëse mëson se një i mitur ka krijuar llogari në platformë, na kontakto që ta trajtojmë menjëherë.
Mund ta përditësojmë këtë politikë herë pas here, për shembull kur shtojmë veçori të reja që prekin të dhënat që mbledhim. Nëse ndryshimet janë të rëndësishme, do të përpiqemi të të njoftojmë përpara se të hyjnë në fuqi.
Nëse ke pyetje rreth kësaj politike, ose dëshiron të ushtrosh ndonjë nga të drejtat e përshkruara më sipër, na shkruaj nëpërmjet formularit të kontaktit te faqja "Rreth nesh", ose direkt në email: [email protected].